Antolatzaileek jakitera eman dutenez, 260 lagun inguru animatu da aurten Inauterietako konpartsan parte hartzera. Hasiera batean, egitasmoa prestatzeko lehen entsegua Merkatu Plazan egiteko asmoa zuten, baina iaztik parte hartzeko kopurua hazi denez, Antoniano kiroldegian egingo dute bihar arratsaldean estreinako saioa. Aurrez iragarri zuten moduan, rock doinuetan oinarritutako emanaldia prestatuko dute aurten, eta martxoaren 1ean aurkeztuko dute kalean, Inauteri Egunez.
Lehen entsegua Antoniano kiroldegian izango den arren, bigarren entsegutik aurrera, Aritzbatalde kiroldegian elkartuko dira: 16:00etatik 19:00etara izango da haurrena, eta 19:00etatik 21:00etara helduena. Entseguen datak honakoak dira: urtarrilaren 12a (bihar), 19a eta 26a eta otsailaren 2a, 9a, 23a eta 28a.