Hasi dituzte Barren plazan berdegunea jartzeko obrak. Hesiz inguratuta dago eremua, eta itxita egongo da lanek iraungo duten hilabete eta erdian. Lurkide enpresak egingo du berdegunea, 40 mila euroko aurrekontuarekin.
Korten altzairuzko egitura batez inguratuta egongo da berdegunea; eskailerak eta aldapa dagoen eremu inguruan, hain justu ere. Aldaparen luzera osoa hartuko du berdeguneak, eta orain arte zegoen esertzeko koska kendu egingo dute.