Photomuseumek sustatutako eta Zarauzko Udalak babestutako Gela kultur hedapenerako programaren barruan, Zinemaren historia zikloarekin jarraituko dute bihar Photomuseumen. Hain zuzen ere, bosgarren atala emango dute, 18:00etan, doan.
Bosgarren atala 1939 eta 1952 urte bitarteko garaietan oinarritzen da, gerran eta ondoren sortu ziren mugimendu berrietan; esaterako, neorrealismo italiarra, Orson Wellesen zinema berritzailea eta McCarthyren garaiko sorgin ehiza.