Pagoeta Mendizale Elkarteak urteko lehen irteera egingo du igande honetan, eta Arantzazu inguruan itzulia emango dute, baina ezkutuko bideetatik. Ohi bezala, Mendizabal kinkila dendan eman beharko da izena, eta irteera Agoueseneko biribilgunetik egingo dute, 07:30ean.
Antolatzaileek jakinrazi dutenez, 8 kilometroko ibilbide erraza izango da igandekoa; hiru ordu eta hiru ordu eta erdi inguruko iraupena izango du, eta 375 metrokoko gorabehera metatua baino ez du izango.
Arantzazuko aparkalekuan hasi eta bukatuko da, eta Iturrigorriko futbol zelai zaharrak dauden aldera joko dute, Urkulu erreka lagun dutela, Gaztelu Aitz tontorraren azpitik pasatuz. Arrionako lepora iritsi eta pinudian sartuko dira, jarraian zelai barruti txikiak eta errepide estu batetik abiatuz, berriz ere Arantzazuko aparkalekura heltzeko