Presoen, iheslarien eta deportatuen etxeratzea eskatzeko auto karabana egin zuten atzo eguerdian Astiko zubitik hasita. Zarauzko Sarek egin zuen deialdia, eta hainbat herritar izan ziren protestara batu zirenak.
Horrez gainera, urtarrilaren 11n Bilbon egingo den manifestaziora joateko autobusa antolatu du Sarek Zarauztik. Interesdunek Eguzki edo Arrano tabernan eman dezakete izena. Autobusa 15:00etan aterako da, Eguzkitik.
