Aurki itxiko ditu ateak Narrosko gabonetako jaiotzak; beraz, ikusteko nahia duten herritarrek zein inguruko herrietako bisitariek datozen egunetan joan beharko dute lorategira.
Hain zuzen ere, urtarrilaren 6an, Errege Egunean, izango da hura bisitatzeko azken eguna; ordura arte, egunero, 11:00etatik 14:00etara eta 17:00etatik 21:00etara egongo da zabalik.
Abenduaren 6an zabaldu zuten Schola Cantorumeko kideek atondutako jaiotza, eta denbora honetan lagun ugari ibili da bertan.
