Dibertsitate funtzionala duten haurrek inauguratuko dute aurten ere Aritzbatalde kiroldegiko Gabonetako haur parkea; espresuki haientzat bakarrik zabalduko dute gaur arratsaldean jolasgunea, 16:30etik 19:00etara. Bihar eta etzi, ostiralean eta larunbatean, berriz, 12 urtetik beherako haur guztiek izango dute parkeaz gozatzeko aukera.
Azken urteetan bezalaxe, adinaren araberako bi gunetan banatuta egongo da parkea: pilotalekua 8 eta 12 urte bitarteko haurrentzat, eta eskubaloiko kantxa 7 urtetik beherakoentzat. Bietan puzgarriak eta orotariko jolasak izango dituzte haurrek.
Sarrera doakoa da eta honako ordutegia izango du: goizez, 11:00etatik 13:30era eta arratsaldez, 16:30etik 19:00etara.
