Palestinako herriak bizi duen genozidioa gogoratzeko Zarautz Palestina herri ekimenak ekintza antolatu du gaur eguardian. Palestinari Kantuan izeneko mobilizazioa, 12:00etan hasi da Lege Zaharren enparantzan. Jende ugari bertaratu da abestera eta jarduera honen parte izatera.
Kaleetan zebiltzan herritarrek abesti ugari entzun dituzte plazan. Palestinaren borrokaren alde egiteko eta jasaten dituen erasoak gaitzesteko "Libre, libre, Palestina askea" bezalako kantuak ere abestu dituzte.
Bestalde, mahai bat jarri dute Zarautz Palestina herri ekimenean sartu nahi zutenentzat, harremanetan jarri ahal izateko.