Urtero bezala, Euskalduna tabernan banatu zituzten atzo arratsaldean IX. Ramon Serras Argazki Lehiaketako sariak. Aurten, Jubilazioa izan da parte hartzaileek kontuan hartu behar izan zuten gaia, eta proposamen interesgarriak jaso dituzte. Azkenean, Mari Mar Castro nagusitu zen, eta 600 euro eta garaikurra jaso zituen.
Bigarren sariari dagokionez, Gabriel Mª Pouek jaso zuen; eta hirugarrena Jose Agustin Gurruchagak. Azken biek, hurrenez hurren, 300 euro eta 200 euro jaso zituzten, garaikur banarekin.
Zarauzko argazkilari onenen kategorian, Ander Maiorentzat izan zen lehen saria, 200 euro eta garaikurra, eta 100 euroko bigarren saria, berriz, Jon Atxutegirentzat.
Epaimahaikideek aukeratutako argazki onenekin erakusketa zabalduko dute Euskaldunan bertan. Abenduaren 23tik otsailaren 6ra ikusgai izango da.