Calcuta Ondoan gobernuz kanpoko erakundeak, Giza Eskubideen Egunaren harira, sentsibilizazio kanpaina bat egingo du bihar herrian zehar.
Alde batetik, Zarauzko hondartzan ilustrazio bat egingo du German Cedaño artista peruarrak, erakundeak azken 25 urtetan egin duen lanean oinarrituta. Aldi berean, emakumearen ahalduntzea eta giza eskubideen ideiak ere islatuko ditu. 11:00etatik 17:00etara egongo da lana ikusgai hondartzan, Desertu Txiki parean. Bestalde, Galtzagorri parean informazio gunea jarriko du erakundeak, 11:00etan hasi eta 13:00 bitartean, Zarauzko beste gobernuz kanpoko sarean dauden elkarteekin batera. Gainera, antolatzaileek azaldu dute musika egongo dela giroa animatzeko.