Abendua iritsi da, eta Udaberri Jubilatuen Elkarteak hileko jardueren egitaraua prestatu du, urteari amaiera biribila emateko.
Bihar, astelehena, El Corte Ingles Bidaiak eskainitako bidaien aurkezpena egingo dute, 16:30ean hasita, elkartean bertan. Bestalde, bihartik ostiralera, jolas-astea antolatu dute, "gure estadio olinpiko txikian". Izena emateko epea dagoeneko zabalik dago eta elkartean bertan egin daiteke.
Abenduaren 20an, ostirala, Gabonetako 10 otarren zozketa egingo dute, eta ekitaldi berean, jokoetako irabazleek dagozkien sariak jasoko dituzte.
Urteari amaiera emateko, abenduaren 27an, ostiralarekin, topa egingo dute Udaberriko tabernan, 18:30ean hasita. Udaberriko antolatzaileek herritarrak animatzen dituzte jardueretan parte hartzera.
