Atzo, eguna iluntzearekin batera, zabaldu zituen ateak Narrosko Gabonetako jaiotzak. Ireki bezain pronto sartu ziren lehen bisitariak Narros jauregiko lorategira, eta arreta handiz erreparatu zuten Schola Cantorumeko kideek atondutako jaiotza.
Urtero bezala, Errege Egunera arte egongo da zabalik, egunero-egunero, 11:00etatik 14:00etara eta 17:00etatik 21:00etara. Horrez gain, Gabon Zahar egunean, Schola Cantorumek kantaldia egingo du arratsaldez, eta une horretan jarriko dute Jesus haurtxoa jaiotzako estalpean. Ordura arte, figura hori jarri gabe egongo da.