Rock doinuetan oinarritutako konpartsa izango da datorren urteko Inauterietakoa, eta parte hartu nahi dutenek dagoeneko zabalik dute izena emateko aukera. Martxoaren 1ean, larunbatez, egingo dute emanaldia, eta izen ematea abenduaren 19ra arte egin ahal izango da.
Entseguei dagokienez, urtarrilaren 12an izango da lehenengoa, Merkatu Plazan. Bigarren entseguan, eta hortik aurrera, Aritzbatalde kiroldegian elkartuko dira: 16:00etatik 19:00etara egingo dute haurrek, eta 19:00etatik 21:00etara helduek. Entseguak urtarrilaren 12an, 19an eta 26an eta otsailaren 2an, 9an, 23an eta 28an izango dira.
Parte hartzeko gutxieneko adina 8 urte da, baina 8 eta 10 urte bitartean dituztenek heldu batekin joan beharko dute.
Izena emateko edota zalantzak argitzeko 943-00 51 19 telefono zenbakira deitu edo jaiak@zarautz.eus helbidera idatzi behar da.