Atzo, Santa Zezilia Egunaren bezperan, Imanol Urbieta Udal Musika Eskolako ikasleak eta irakasleak kalejiran irtetekoak ziren, Musikalean egitasmoa ospatzera. Euriak, ordea, tronpatu egin zituen haien asmoak, baina ez gogoak. Kalean ibili beharrean, musika erakustaldia egin zuten 17:30etik aurrera musika eskolako aterpean.
Adin txikietakoak kantuan, gitarra jotzen ikasten ari direnak, perkusiokoak, haizezko tresnekin trebatzen ari direnak eta abar aritu ziren abesti ezagunak interpretatzen, bertaratu ziren gurasoen eta gertukoen aurrean. Amaieran, txokolatea banatuko zitzaien parte hartzaile guztiei.