Emakumeenganako Indarkeriaren Aurkako Nazioarteko Egunaren bueltan antolatutako ekintzen bueltan, Aitziber Estonbak Bikoteak, harreman erotikoak eta abar hitzaldia eskainiko du bihar. Emakumeen Etxean izango da, 18:00etan hasita.
Bertan, praktika sexualei eta sexualitate osasuntsuari buruz hitz egingo du Estonba Zarauzko sexu-aholkulariak. "Koitozentrismoa nagusi den honetan, zein beste praktika dauzkagu?" eta "Zeintzuk dira sexua bizitzeko modu osasuntsuak?" bezalako galderei erantzungo die Estonbak.