Zarauzko AEK-k hitzordu berezi bat antolatu du larunbaterako: AEKalean egitasmoa, hain zuzen. Eguerdira bitartean, egitasmo bat baino gehiago egingo dituzte, hala nola bisita gidatua, txarangarekin kalejira eta kontzertua.
09:45ean hasita, ikasleei eta mintzalagunei zuzendutako bisita gidatua izango da Photomuseumen. Ondoren, 11:30ean, Urretabizkaia txarangaren kalejira izango da, museoaren atarian hasita. 13:00etan, berriz, Herena musika taldeak kontzertua eskainiko du Musika Plazan.