Klimb Zarautz rokodromoak hirugarren urtez antolatu du Kilter Txapelketa, eta ostiral honetan jokatuko da, 17:00etatik 21:00etara. Eskaladako maila guztietako jendeari zuzenduta dago eta izen-ematea oraindik ere irekita dago.
Antolatzaileek zehaztu dutenez, 4a 30 gradutara inklinatuta ekingo diote txapelketari, eta bukaerarako, 8b 50 gradutara iristeko erronka jarri nahi diete beraien buruei. Parte hartzaile bakoitzak hamar saiakera izango ditu guztira, eta nahi duen graduan hasi ahal izango du eskalatzen.
Izena emateko hiru modu daude: 635 70 09 86 telefono zenbakira whatsapp mezu bat bidalita; Klimb Zarautzeko instalazioetara bertaratuta; edo Instagrama bidez, Kilter hitza komentarioetan idatzita.