Valentziako (Herrialde Katalanak) uholdeek eragindako kalteak arintzeko asmoz, Hiruputzu gaztetxeak eta Danda Gazte Asanbladak produktuen bilketa egin dute gaur gaztetxean. 10:00etatik 12:00etara bitartean askotariko materialak eta produktuak bildu dituzte; hala nola plastikozko botiletan datorren ura, higiene pertsonalerako produktuak eta garbiketarako produktuak jaso dituzte.
Aurrerantzean zerbait eman nahi duten herritarrek Santa Klara komentuko areto nagusian egin dezakete, 10:30etik 12:30era eta 18:00etik 20:00era.
