Zarautz Kirol Elkarteko eskubaloi atalak 60 urte bete ditu aurten, eta horren harira, logo lehiaketa antolatu dute aurtengo kamiseta berri irudikatzeko. Parte hartzaileek harmarria eta kamisetaren atzeko logoa diseinatu beharko dituzte.
Antolatzaileek jakinarazi dute, diseinuak eskuz edo digitalki egin daitezkeela. Lanak aurkezteko azken eguna hilaren 21a izango da, eta diseinuak rrsszke@gmail.com helbidera bidali beharko dira. Sariak 2024-2025 denboraldiko kuotak izango dira.
