Erein argitaletxearen babesean, Miraren mendekua haurrentzako eskapu liburua kaleratu zuten Nerea Loiolak eta haren seme Xuhar Epeldek. Bihar, 18:30ean, Garoa liburu dendan aurkeztuko dute lana; prozesuaren xehetasunak azaldu eta bertaratzen direnen galderak erantzungo dituzte.
Gaizki-ulertu bat tarteko, liburu honetako protagonista (irakurlea bera) abentura misteriotsu bezain arriskutsu batean murgilduko da. Aitona, basoa, enigmak eta troll bat; gai izango al da erabaki zuzenak hartu eta iraganeko minak sendatuz etorkizun berriak sortzeko?