Arkamurka Natur Elkarteak antolatuta, Zarauzko 45, Natura Astea ospatu zuten aurreko astean. Orain, egitasmoan bertan eskaini zituzten hiru hitzaldi ikusteko aukera jarri dute elkarteko kideek haien webgunean; eta Zarauzko Gukak ere abagune hori eskaini nahi die erabiltzaileei.
Ikusgai ziren saioak honako hauek dira: Aitziber Sarobe Arkamurkako bazkideak eskainitako Landare exotiko inbaditzaileak hitzaldia; Jon Garin Aranzadi zientzia elkarteko biologoaren Mikroklima: mikrohezegune sarea Gipuzkoan krisi klimatikoaren aurrean solasaldia; eta Hegalaburra gatibu: Getarian jartzeko asmoa duten bezalako hegalabur-haztegiak mintzaldia, Unai Ugalde biologoaren eskutik.