Arkamurka Natura elkarteak antolatuta, 45. Natur Astea ospatu dute Zarautzen astelehenetik hasita. Adituek eskainitako hainbat hitzaldiz gozatzeko aukera izan dute egunotan Arkamurkaren lokalean, eta bihar agurtuko dute astea, hainbat erakusketekin.
Goiko solairuan Onddoen erreinuaren inguruko erakusketa ikusi ahal izango da; behekoan, berriz, Perretxikoen erakusketa, Hezeguneen erakusketa eta Landare inbaditzaileen erakusketa. 11:00etatik 14:00etara eta 16:30etik 19:30era egongo dira zabalik erakusketak.