Aurten ere egingo dute triatloi txikia Zarautzen, eta antolakuntza taldeak horri buruzko xehetasunak eman ditu. Alebin kategoriako neska-mutilak izango dira proba egiten lehenengoak. Horregatik, LH 5. eta LH 6. mailakoak euren bizikletak, kaskoak, kamisetak eta zapatilak boxeetan 09:30ean hasiko dira sartzen, eta 10:00etan hasiko da proba. Hogeiko taldeetan sartuko dira igerilekuan eta 100 metro egin beharko dituzte igeritan, 1.000 metro bizikletan eta, azkenik, 500 metro korrika.
Benjaminak, LH 3 eta LH 4. mailako gaztetxoak, 11:00etan hasiko dira trasteak boxeetan sartzen eta lehengo taldea 11:30 aldera hasiko da igeri egiten. Ikasle horiek 50m egingo dituzte igeri, 750m bizikletaz eta 300m korrika.