Urriaren 19an ospatuko da Zarauzko Kuadrilla Eguna. Lagun taldeek alkandora eta jantzi koloretsuak soinean askotariko jarduerez gozatu ahal izango dute egun horretan, baita lehiaketetan parte hartu ere.
Izan ere, puzgarriak, paella onenarena eta goitibehera jaitsiera izango dira. Norgehiagoka horietan parte hartu nahi dutenek bihar, larunbata, izango dute izena emateko aukera, 17:00etatik 20:00etara Musika plazako kioskoan. Lehiaketa horietan izango diren sarien berri ere eman dute: irabazleak 100 euroko bonoa izango du Batela Prest dendan erabiltzeko, eta bigarren sailkatuak merkatuko Argoin Txiki postuan 50 euroko erosketa egin ahal izango du.