Xakean ikasi nahi duten haurrek aukera izango dute ostegun eta ostiral arratsaldeetan, Zarauzko xake klubak eskolak antolatu baititu 6-15 urte bitarteko haur eta gaztetxoentzat. Saioak Musika Plazan klubak duen egoitzan izango dira, 18:00etatik 19:00etara.
Izena emateko epea zabalik dago, eta bi bide jarri dituzte horretarako: telefonoz 634 41 42 78 zenbakira deituta, edo xakezarautz@gmail.com helbide elektronikora mezua bidalita. Mezuan izena, adina eta eskolak jasotzeko eguna zehaztu beharko dira.
Klubak jakinarazi duenez, hilean bost euro kobratuko dute umeko, "berogailua ordaintzeko".