Tiraderatan ahaztuta dauden betaurrekoei bigarren erabilera bat eman nahi die Zarauzko Udaberri elkarteak. Hala, erabilitako betaurreko hauek biltzeko kanpaina jarri du abian Zarauzko jubilatuen eta pentsiodunen elkarteak.
Jasotako antiojoak Madagaskarrera (Afrika) bidaliko dituzte ondoren, Ikusgai egin zaitez programaren barruan, bertako haurrek zein adinekoek erabil ditzaten. Haiek jasoko dituzte hemendik bidalitako betaurrekoak.
Kanpaina honetan parte hartu nahi dutenek betaurrekoak elkartearen bulegoan utzi ahal izango dituzte. Epea 2025eko urtarrilaren 31n bukatuko da.