Nahasia izan da gaurko eguna eskualdeko trafikoari dagokionez. Kostako bidea, N-634 errepidea, itxita egon da atzo arratsaldetik Getaria eta Zarautz artean euriteek eragindako luizi bat dela medio. Horri goiz partean Meagan izan den auto istripu bat gehitu behar zaio. GI-2633 errepidea ixtea ekarri du gertaera horrek.
Zorionez, egunak aurrera egin ahala arazoak konpontzen joan dira eta, Trafiko Zuzendaritzak sare sozialetan aurreratu duenez, arratsalderako zabaldu dute Getaria eta Zarautz arteko N-634 errepide tartea.