Photomuseumek sustatutako eta Zarauzko Udalak babestutako kultur hedapenerako Gela programaren barruan, Zinemaren istoria saioko lehen kapitulua ikusi ahal izango da gaur Photomuseum argazki eta zinema museoan. Saioa 18:00etan hasiko da, eta sartzeko sarrera doakoa izango da.
Datozen asteetan eskainiko diren ataletan, besteak beste, zinemagintzako hainbat maisuri egindako elkarrizketak emitituko dituzte; hala nola David Lynch, Martin Scorsese, Gus Van Sant, Terence Davies eta Lars Von Trier zinemagileei egindakoak. Lehen atalak 1895. eta 1918. urte artekoa aztertzen du.