Meagako GI-2636 errepidean istripua izan du kamioi batek Zarauzko noranzkoan; 08:45 aldera gertatu da, Azkue jatetxearen ondoko biribilgunearen ondoren. Ondorioz, errepidea itxita dago une honetan.
Gertaerak ez du zauriturik eragin, baina auto ilara luzeak eragin ditu bi noranzkoetan. Gidari askok aurrera egin ezinda, atzerako bidea hartu dute bestelako errepide baten bila.
N-634 errepidea ere itxita dago atzotik, luizi bat dela eta. Horregatik, gidariek A8 autobidea erabili beharko dute derrigorrez Zumaiatik Zarautzera joan-etorria egiteko, egoera bere onera etorri bitartean.