Gipuzkoako Kopa txapelketa ahaztu eta liga denboraldiarekin pentsatzen jarri beharko du Zarauzko areto futbol taldeak. Joan den ostiralean jokatu zuten partida Azpeitiko kiroldegian, hango Galaktik taldea izan baitzuten aurrean arerio. 5-3 nagusitu zen Azpeitiko taldea, eta beraz, haiek lortu dute txapelketako hamabi talde onenen artean sartzea.
Liga txapelketari begira jarri beharko du orain Zarauzko taldeak, urrian ekingo baitio sasoi berriari. Gipuzkoako Bigarren Mailan arituko da Zarauzko areto futbol taldea, eta haiek urriko lehen asteburuan hasiko dute denboraldia, Antxo Pes. Ferreres aurka etxean jokatuko duten partidan.