Lege Berriak kolektiboak ezagutarazi du urte amaierara bitartean Hiruputzu gaztetxean eskainiko dituzten kontzertuen zerrenda. Lehenengo emanaldiak, hain zuzen, gaur iluntzean izango dira: 21:30etik aurrera, Sonido Ordeno eta Ezezez taldeek kontzertu bana eskainiko dute bertan. Sarrera bakoitza sei euroan erosi ahal izango da, gaztetxean bertan.
Honakoa da datozen hilabeteetarako egitaraua:
Gaur, ostirala
- Sonido Ordeno eta Ezezez.
Irailak 28, larunbata
- Viuda eta TBA.
Urriak 19, larunbata
- Ibonrg, Agirrezabalaga / Simon / Vega trio eta From.
Azaroak 16, larunbata
- Tatxers eta La Culpa.
Abenduak 7, larunbata
- Enemic Interior, Zikin eta Cuero.