Hasi da ikasturte berria, eta bueltan dira Arranoko gitarra ikastaroak. Datorren ostegunean, hilaren 19an, hasiko dituzte saioak eta ostegunero elkartuko dira. Ordubete iraungo dute saioek, 19:00etatik 20:00etara, eta bi taldetan banatuko dira: hasiberrien taldea izango da bata, eta zertxobait dakitenena bestea.
Doakoak izango dira ikastaroak, eta gitarra ikasi eta lagunartean denbora igaro nahi dutenak animatu dituzte parte hartzera.