"Aspaldiko ohitura" berreskuratzeko asmoz, danborrada antolatu du aurtengoan Itxasmendiko jai batzordeak. Hain zuzen ere, hilaren 27an egingo dute hori, eta entseguak ere egingo dituzte aurrez. Danborradan parte hartzeko, baina, izena eman beharko da aurrez, gaur eta bihar, zehazki, Itxasmendiko elkartean.
18:00etatik 19:00etara egongo dira bertan, eta nahi dutenek bertara gerturatu beharko dute izena emateko. Entseguak, aldiz, Orokietako frontoian izango dira datozen bi asteetan: hilaren 17, 19, 24 eta 26. Horiek 19:00etatik 21:00etara izango dira.