Txomin Astigarragak eta bere taldeak irabazi dute aurtengo orga lehiaketa. Urtero legez, eguerdi partean askotariko elementuekin atondutako orgekin gerturatu dira herritarrak Lege Zaharren enparantzara, eta 13:00etan ezagutarazi ditu udalak irabazleak.
500 euro eta oroigarria jaso ditu Astigarragak Xabier Txurruka alkatearen eskutik, eta bigarren eta hirugarren postuak Celia Illarramendirentzat –300 euro– eta iazko irabazlea izan zen Julen Manterolarentzat –200 euro– izan dira, hurrenez hurren. Sari nagusiez gain, lehiaketara aurkeztu diren parte hartzaile bakoitzak 150 euro jaso ditu, antolatzaileek horrela erabaki ostean.
