Zabalik dago dagoeneko 2024-2025 ikasturterako Aritzbataldeko ikastaroetan izena emateko epea. Hain zuzen, Izurde igeriketa ikastaro eta Egokifit eta Gaztefit aretoetan eman daiteke izena, guztietan irailaren 11ra arte.
Udalak adierazi du horietan izena eman ahal izateko Zarauzko erroldatuta egon beharko dutela interesa dutenek, eta adina hartuko dutela kontutan. Ikastaro guztietan zozketa bidez esleituko dituzte plazak, eta emaitzak hilaren 18an argitaratuko dituzte. Hemen ikus daitezke ikastaroak eta ordutegiak.
Aldi berean, irailaren 18an irekiko dute 65 urtetik gorakoentzako Senior saioetan izena emateko epea. Jarduera horretan, aldiz, izen-emate hurrenkera errespetatuko da taldea osatzeko, baina baldintzak beste ikastaroen berberak izango dira. Zalantzak argitzeko Aritzbataldera gerturatu edo 943 00 51 23 telefono zenbakira deitu beharko dute herritarrek.