Euskal Jai Astean murgildu da herria Haurren Euskal Jai Egunarekin. Bihartik aurrera, erakusketak, lehiaketak, emanaldiak eta bestelako ekintzak antolatu ditu udalak, herriko eragileen laguntzarekin. Horien artean, fandango eta arin-arin ikastaroa izango da Frontoi Txikin bihartik ostiralera arte.
Ikastaroari dagokionez, Jon Alkain eta Alaitz Garciak eramango dute aurrera Zarautz TRIKen laguntzarekin. Hasiera batean Frontoi Txikin izango da, baina euria egingo balu, Gaztelekura lekualdatuko litzateke. Arratsaldeko 17:30ean izango dira ikastaroak, eta ez da izenik eman behar parte hartzeko.