Slow Times Blues Band taldeak herritarrak girotuko ditu osteguneko azkenengo Arranopola egitasmoan. Taldea, Iker Urkiri, Tabea Gerhardt, Carmelo Garcia (Willy) eta David Gorospek osatzen dute. Publikoarekin konexio berezia lortuz, osteguneko saioa Ryhtim & Blues generoak zuzenean entzuteko parada izango da. Emanaldia, 20:00etatik aurrera izango da, Musika Plazan, Arranoko terrazan.
Eragin musikalari dagokionez, blues, swing eta rock 'n' rollaren espektro zabalak hartzen dituzte beraien musika sortzerako orduan. Estiloen nahasketa hori beraien musikan eta soinuan islatzen da. Honez gain, 2022ko udaran grabatutako lehen maketaren abestiak aurkeztuko dituzte. "Reyes del KO", "Laura Chavez", "Little Richard", eta "Lazy Lester" bezalako abestiak izango dira entzungai.