ZAST Zarauzko Saskibaloi Taldeak antolatuta, 3x3 Saskibaloi Txapelketa jokatuko dute aurten ere malekoian, Dama ondoko zabalgunean antolatutako kantxetan. Astearte eguerdian itxi zuten izena emateko epea.
Ostiral arratsaldean emango zaio hasiera 3x3 Saski Basque txapelketari, junior mutil eta neskekin. Larunbat goizean, infantilek lehiatuko dute. Arratsaldean, berriz, koadrilen arteko txapelketa egongo da. Igandeari dagokionez, goizean mini mutil eta neskek jokatuko dute. Arratsaldean, seniorren txanda izango da.