Antzerkia Familian programako ikuskizunak atari zabalean eskainiko dituzte udan; guztira doako sei emanaldi hileko ostegunetan, 19:00etan, Villa Manuelako frontoian. Hain zuzen ere, Markeliñe Konpainiak Artilusio izeneko ikuskizuna eskainiko du aste honetan. Ikusle guztientzako dago egina.
Liburuz elikatzen den eta bihotz baten taupaden erritmoan funtzionatzen duen makina fantastiko batean lekuratzen da istorioa. Tramankuluaren ondoan, Greta aurkitzen da, bere liburutegi txikian. Egunero Pinak, laguntzaileak, Gretaren bihotza auskultatzen du eta makina aktibatu egiten da. Makina, jostailu bat bezalakoa da. Gretak irakurtzen dituen liburuen fantasiak bisortu egiten ditu eta hauek duten bizitza beste era batera erakusten dio.