Pikudo gorriak eragindako hainbat palmondo ale antzeman dituzte Zarautzen. Lehengo urtetik dago insektu horren presentzia herrian. Horren ondorioz, udaleko lorezaintza departamentuak palmondo guztien tratamendua abian jarri zuen.
Denbora igaro da, eta pikudo gorriak palmondo ugari usteldu ditu. Araba kaleko palmondoaren kasuan, tratamenduari esker pikudo gorria desagertu egin da, eta adar berriak hazi zaizkio zuhaitzari.