Ostiralean izan ziren Santa Klara, Azken Portu eta Aritzbataldeko festetako lehen ekitaldiak, baina atzo, larunbata, bete-betean sartu ziren jai giroan. Gazteen egunari goizean goizetik ekin zioten, Txipristin taldeak prestatutako puzgarriekin eta tailerrekin, eta goizeko ordu txikiak arte luzatu da festa.
Haurrak izan ziren, dena den, eguneko protagonistak. Bazkalostean olinpiadak izan zituzten Plaza Gorrian, eta gero, hiru adin tartetan banatutako lasterketak izan zituzten. Saririk ez, baina parte hartzaile guztientzako opariak banatu zituzten antolatzaileek gero: puzzlea, txirulak nahiz beroari aurre egiteko uretako pistolak. Jalgi dantza taldearen eskutik, erakustaldia izan zen gero Plazan Gorrian bertan.
Gaur eta bihar ere izango da zer ospatua. Hona hemen egitaraua: