Zarauzko Udalak, Oporrak Bakean egitasmoaren barruan, uda pasatzera etorri diren haur sahararrei ongietorria eman zien atzo udaletxeko batzar aretoan. Xabier Txurruka alkatearen eskutik abiatu zen haurrei eta haien harrerako familiei egindako harrera: "Sahararentzat ez dira betiko garai onenak baina beste urte batez hemen hartzen zaituztegu besoak zabalik". Gainera, udaletxeko beste alderdietako ordezkariak ere bertaratu ziren ongietorria ematera. Uda igarotzera etorri diren bi haur Zarauzko familietan daude, bat Orion eta beste bat Getarian. Gainontzekoak, Tolosaldeko familietan.