Urtero bezala, euskal preso eta iheslarien eskubideen aldeko aldarriak hondartzetara eramango ditu Etxerat euskal preso eta iheslarien senide eta lagunen elkarteak. Sare Herritarrarekin batera antolatu dute aurtengo ekintza, eta guztira euskal kostaldeko sei hondartzatan mobilizatuko dira..
Orion izango da mobilizazioetako bat, 12:00etan hasita, eta zarauztarrak hitzordu horretara batuko direla jakinarazi dute. Ordu berean egingo dituzte aldarriak gainontzeko bost herrietan ere, Kosta ala kosta, etxera lelopean: Gipuzkoan Donostian Ondarretan eta Mutrikun; eta Bizkaian, berriz, Bakion, Laidan eta Lekeition.