Aria taldea Marina Landaren eta Iñaki Ortegoren musika proiektua da. Domenico Gargano ekoizle italiarraren laguntzarekin, Anime perdute aurrerapen abestia kaleratu zuten iazko azaroan, eta ostean, Urdin diska osoa abenduan. Bikotea herriz herri dabil udan, beren musika "Euskal Herriko hainbat herritara helarazteko", eta biharkoan Arranopolaren oholtzara igoko dira beren azken proiektua aurkeztera. Kontzertua 20:00etan hasiko da, Arrano tabernaren aurreko eszenatokian.