Naiara eta Eneritz Mitxelena ahizpek eta Lore Laburuk eta Miren Lertxundik osatutako bikoteek jokatuko dute, bihar, aurtengo Frontoi Txikiko Emakumeen XVI. Paleta Txapelketako finala. Ohi bezala, 18:30ean hasiko da norgehiagoka.
Finalera sailkatu diren bi bikoteek, halere, kostata lortu dute txartela; izan ere, aurkari gogorrak gainditu behar izan zituzten atzoko finalaurrekoetan. Mitxelena ahizpek 30-27 menderatu zituzten Jone Azkoaga eta Karmele Martinez de Cabredo eta Lore Laburuk eta Miren Lertxundik ere emaitza berdinarekin, 30-27, Jone Iruretagoiena eta Mireia Aizpuru.