ZKEren Halterofilia saileko Malen Monasterio eta Miren Galarraga altxatzaileak Valentzian izan dira asteburuan junior mailako Espainiako Txapelketan parte hartzeko eta emaitza onak lortu dituzte; izan ere, hiru dominarekin itzuli dira handik. Hirurak Monasteriok irabazi ditu; nahiz eta, Galarraga ere oso gertu ibili den.
55 kilo azpiko kategorian lehiatu zen Monasterio 68 kilo jaso zituen abiadako proban. eta zilarra lortzeko balio izan zion horrek. Jasotze-altxatzean, berriz, 81 kilo altxatu zituen, bere kategoriako hirugarren marka onena, eta brontzea zintzilikatu zuen, ondorioz. Bi probak batuta bere kategoriako hirugarrena sailkatu zen 149 kilo jasota. Sailkapen orokorrean, bestalde, hamabigarren amaitu zuen.
Galarraga, bere aldetik, 71 kilo azpiko kategorietan aritu zen eta laugarren sailkatu zen abiadako eta jasotze-altxatze probetan, nahiz bere kategoriako sailkapen bateratuan. 159 kilo jaso zituen, guztira, eta 27.a izan zen txapelketako sailkapen orokorrean.