Photomuseumek sustatuta eta Zarauzko Udalak babestuta, kultur hedapenerako Gela programaren barruan, ostiraleko saioa Artea eta diseinua zikloaren hirugarren saioa izango da. Artearen eta diseinuaren profesionalek garatutako lan eta ahaleginak aztertzen dituzte eta proiektu berri bakoitzari nola heltzen dioten ezagutarazten dute. Egileen aspektu biografikoak ere lantzen dira.
Ostiral honetan Ruth E. Carter jantzi-diseinatzaile estatubatuarraren lana aztertuko dute. Lau aldiz izendatu dute Jantzien Diseinu Onenaren Oscar Sarietarako, Malcolm X (1992), Adiskidetasuna (1997), Black Panther (2008) eta Black Panther: Wakanda Forever (2022). Azkeneko bi lan hauei esker, sariak irabazi zituen. Gainera, kategoria horretan irabazi zuen lehen emakume afroamerikarra izan zen.