Zarauzko hainbat surflari gaztetxok Espainiako Txapelketa jokatu zuten joan den astean, Galiziako Pantineko hondartza ezagunean, eta oso emaitza onak lortu zituzten. Oxel Oregi bigarren sailkatu zen 16 urte azpiko mutilen kategorian eta postu berdina lortu zuen Nahi Calderonek 12 urtez azpiko nesken kategorian. Jon Amostegi, aldiz, hirugarren sailkatu zen 12 urtez azpiko mutilen kategorian.
Maila nagusiko surflariak asteburuan ziren lehiatzekoak; tartean, Ruben Vitoria eta Lander Davila, baina antolatzaileek beretan behera utzi zuten txapelketa, azkenean, epaileek grebara jo dutelako lan baldintza hobetzea eskatzeko.
