Zezen puzgarriekin haurren entzierroa egin zuten atzo, Zarautzen. Haur eta guraso mordoa bildu ziren Lege Zaharren enparantzan, eta zapi gorri eta egunkariz bete zen plaza. Udaletxetik atera ziren zezen puzgarriak 17:00ak pasata, eta sorpresa bat ere izan zen aurtengo entzierroan. Zezen puzgarriez gain, anbulantziaren puzgarri bat ere ibili zen kaleetatik barrena.
Lege Zaharren enparantzan hasi zen entzierroa, eta Musika plaza zein Kale Nagusian barrena ibili eta hasitako leku berean bukatu zen.