Bihar ekingo diote Emakumezkoen XVI. Pala Txapelketari, eta lehenengo jardunaldian bi partida jokatuko dituzte. Lehenengoan Jone Azkoaga eta Karmele Martinez de Cabrezo lehiatuko dira Lore Zumeta eta Lide Mendizabalen aurka. Bigarrenean, aldiz, Saioa Iraolak eta Maialen Manterolak jokatuko dute Naiara Mitxelena eta Eneritz Mitxelenaren aurka.
Bigarren jardunaldia hilaren 11ean egingo dute. Oraingoan, lehen partidan Lorea Laburu eta Miren Lertxundi lehiatuko dira Ane Arozena eta Intza Gurrutxagaren aurka. Bigarren partidan, berriz, Jone Iruretagoienak eta Mireia Aizpuruk jokatuko dute Leire Esnal eta Vanessa Arbelaitzen aurka.